فرش_غطاء
موضوع اتجاه الفرش و الغطا مش حفظ و خلاص ان هو فى الاتجاه الطويل ولا فى الاتجاه القصير و خلينا نقول ان الموضوع فيه اختلافات او " مدارس " بين المهندسين ؟!
القواعد_المنفصلة
فى القواعد المنفصلة فهى غالبا مابتفرقش لو عامل equal offset (رفرفة متساوية فى الناحيتين ) و دا الشائع فى القواعد المنفصلة لان إذا تساوت الرفرفة فالمومنت بيكون متساوي وده أفضل الحالات اقتصاديا ، إلا لو كنت مضطر ودا وارد .
انما لو فى رفرفة اكبر من التانية يبقى الفرش فى اتجاة الرفرفة الطويلة لانها بتدى اكبر مومنت.
القواعد_المشتركه
فى القواعد المشتركة فانت بيكون عندك رقتين : علوية و سفلية
الرقة السفلية : الفرش بيكون فى الاتجاه الطويل والغطا فى الاتجاه القصير تحت
الرقة العلوية : العكس 🔀 .
قواعد_الجار
قاعدة الجار و هى الحالة الخاصة من القاعدة المنفصلة فالفرش بيكون دايما الموازى للجار اى كان طويل او قصير.
** الاتجاه الطويل يقصد به المسافة الأكبر بين حافة القاعدة و وش العمود (الرفرفة)
** الفرش المقصود بيه الحديد الرئيسى لان الحديد الرئيسي نضعه في الطبقة التي تعطي أكبر ذراع للعزم المقاوم ،، وفي حالة الأساسات المفردة يكون الرئيسي هو الفرش السفلى .
و دليلك طبعا هو الكود المصرى :
و حسابات تؤخذ فى الاعتبار فى القواعد المنفصلة :
- الغطاء لايقل عن 5 سم
- أشاير الأعمدة لا تقل عن 60 Φ أعلى منسوب صب القواعد
- لا يقل طول رجل الإشارة عن 30 سم و الأهم هو تحقيق طول التماسك.
- استمرار كانات العمود داخل القاعدة .
- وجود سيخ " برنده " تربط بيها نهايات حديد الفرش و الغطاء.
...................................................................................
التسليح على شكل L ولا U ؟ 😥
الاستشاري بيحددوها بحسبة بسيطة بتعتمد على أبعاد القاعدة
- فإذا كانت الرفرفة من وش العمود أقل من ( 60 Φ ) تكون على شكل U .
- و إذا كانت الرفرفة من وش العمود أكبر من ( 60 Φ ) تكون على شكل L تبادلى .
.....................................................................
🔲 طب و اللبشة ؟ 🤓
اللبشة موضوع كبير و ليها مدارس بس طبعا الاصح انه لو متوفر معاك التصميم تشوف الأكبر من m11 & m22 و تفرش فى اتجاهه .
بس لو مش متحدد على اللوح و مطلوب منك الشوب دراوينج او التنفيذ :
⬛▪ فالمدرسة الأولى بتفضل فى اللبشة أن الفرش يكون فى اتجاه الحديد الاضافي السقلى الغالب أو الاكبر فى القطر عشان رص الاضافى يكون مريح فى التنفيذ .
........................................................................
⬛▪ المدرسة الثانية بتقول انك فى البداية هتشوف أبعاد الباكيات عندك لان الاساس هو الابعاد بين محاور الأعمدة مش ابعاد المنشأ .. فتشوف أكبر باكية تكون هى الحاكم و تمشى على اللبشة كلها و تكون :
الرقه السفلية: الفرش في الاتجاه الطويل والغطا في الاتجاه القصير و ألاوتار عمودية علي الفرش و المسافة بينها حسب وزن اللبشة و متزدش عن 1.5 م بأى حال من الأحوال .
الرقه العلوية: العكس 🔀 بحيث يكون الرقتين سنداوتش
..............................................................................................
‼ ملحوظة :
- فى فرق بين اللبشة المسطحة و اللبشة الكمرية لان الكمرية ليها حسابتها .
- لو عوضت فى المعادلة
M=As*J*D*Fy
فرق اتجاه الفرش و الغطا بيفرق فى تغطية العزم حوالى 5% مش أكتر.
- و للطلاب دا مثال لتسليح و تفريد حديد لبشه تقدر تطبق عليها الخطوات اللى قولناها و تحدد اتجاه الفرش بتاعك 😉🤓
يــــلا نــفــــــــــــــيد بــعــــض
و طبعا اتعودنا خلاص لو استفادنا حاجة بنــ Share
ليست هناك تعليقات:
إرسال تعليق